ამბები – ambebi.ink | საქართველოს ახალი ამბები

მაგისტრალზე მანქანა და მოტოციკლი ერთმანეთს შეეჯახა – სად მოხდა შემთხვევა და რა მოჰყვა მძიმე ავარიას?

Thu, 02 Jul 2026 11:57:53 +0400

რუსთავი-თბილისის დამაკავშირებელ ჩქაროსნულ მაგისტრალზე ავტოსაგზაო შემთხვევა მოხდა. “ინფო რუსთავის” ინფორმაციით, ერთმანეთს “ოპელის” მარკის მსუბუქი ავტომობილი და მოტოციკლი შეეჯახა. შემთხვევის დროს მოტოციკლის მძღოლი, 26 წლის კაცი დაშავდა. დაშავებული სასწრაფო დახმარების ეკიპაჟმა კლინიკა რუსთავში გადაიყვანა. როგორც სამედიცინო დაწესებულების გადაუდებელი დახმარების დღის ექიმმა, ნინო რამიშვილმა განგვიცხადა, პაციენტი ინტენსიური დაკვირვების ქვეშაა. “ჩატარებულია შესაბამისი კლინიკურ-ლაბორატორიული კვლევები. უგრძელდება მკურნალობა, დაკვირვებად დინამიკაში და ინტენსიურ მეთვალყურეობის ქვეშაა”,- გვითხრა ექიმმა. შემთხვევის ადგილზე მობილიზებული იყო საპატრულო პოლიციის ეკიპაჟი და მიმდინარეობს გამოძიება.

ცნობილი გახდა თბილისში, ნაქირავებ ბინაში ნაპოვნი მოკლული გოგონას ვინაობა – „ორი კვირის განმავლობაში თბილისში, ბინაში ჰყავდა გამოკეტილი და სასტიკად სცემდა, შემდეგ კი დაახრჩო“

Wed, 01 Jul 2026 15:45:33 +0400

„2026 წლის 26 ივნისს, საქართველოში, ქალაქ თბილისში, ნაქირავებ ბინაში იპოვეს ჩვენი დის, 2005 წელს დაბადებული ფატიმა კერიმოვას ცხედარი“, – წერს გარდაცვლილი კერიმოვას ახლობელი წინასწარი მონაცემებით, გოგონა თბილისში, თავის მეგობარ ბიჭთან ერთად წავიდა. ისინი იქ ცხოვრებასა და მუშაობას გეგმავდნენ. გოგონას ახლობლები მათი ურთიერთობის წინააღმდეგნი იყვნენ და ანგარიშსწორებით ემუქრებოდნენ. როდესაც ფული გამოელიათ, მისმა მეგობარმა ბიჭმა ის ქუჩაში მარტო დატოვა. ქუჩაში ფატიმამ ერთი გოგონა გაიცნო. ფატიმა ქუჩაში დარჩა დახეული საბუთებით, მობილურისა და ფულის გარეშე. გოგონამ დახმარება შესთავაზა და ჰკითხა, ახლობლებიდან ვინ შეძლებდა ჩამოსვლას და მის წაყვანას. ფატიმამ თავისი ბიძაშვილის ტელეფონის ნომერი მისცა. ბიძაშვილი ჩამოვიდა და ფატიმა წაიყვანა, თუმცა, როგორც მოგვიანებით გაირკვა, მისი განზრახვა სრულიად სხვა იყო… მას ფატიმა ორი კვირის განმავლობაში თბილისში, ბინაში ჰყავდა გამოკეტილი და სასტიკად სცემდა, შემდეგ კი დაახრჩო. ეჭვმიტანილმა ფატიმას ცხედარი დატოვა და შემთხვევის ადგილიდან მიიმალა. მიმდინარეობს გამოძიება. გოგონა სრული ობოლი იყო – ორივე მშობელი გარდაცვლილი ჰყავდა. მას 19 წლის უმცროსი და დარჩა. „გთხოვთ, მაქსიმალურად გაახმაუროთ ეს ამბავი! საჭიროა მედიის, ფემინისტების, იურისტებისა და ბლოგერების ჩართვა“, – წერს სოციალურ ქსელში თბილისში მოკლული აზერბაიჯანელი გოგონას ახლობელი. დღეს უფლებადამცველმა ბაია პატარაიამ გაავრცელა ინფორმაცია, რომ თბილისში, ახალგაზრდა აზერბაიჯანელი გოგო მოკლეს. წყარო: resonancedaily. com

ქუთაისში მოტოციკლი და შსს-ს მიგრაციის დეპარტამენტის ავტომობილი ერთმანეთს შეეჯახა

Wed, 01 Jul 2026 10:49:26 +0400

ინფორმაციას ადგილობრივი გამოცემა "ინფო იმერეთი" ავრცელებს და წერს, რომ შემთხვევა ნიკეას ქუჩაზე ცოტა ხნის წინ მოხდა. გამოცემა თვითმხილველებზე დაყრდნობით წერს, რომ დაზიანებულია მსუბუქი ავტომობილიც და მოტოციკლიც. დაშავდა თუ არა ვინმე შემთხვევის ადგილას, მთავარი დეტალების გარკვევას ცდილობს

ჩაკეტილ მანქანაში ორი ბავშვი დაიღუპა

Tue, 30 Jun 2026 22:05:35 +0400

კვიპროსის პატარა და ჩვეულებრივ მშვიდ დასახლება ქსილოფაგუში მომხდარმა შემზარავმა ტრაგედიამ მთელი კუნძული და საერთაშორისო საზოგადოება შოკში ჩააგდო. ორი ბულგარელი ძმა, რვა და ათი წლის მოზარდები, რომლებიც მამასთან საზაფხულო არდადეგების გასატარებლად იყვნენ ჩასულები, მცხუნვარე მზის ქვეშ, ჩაკეტილ ავტომობილში გარდაცვლილები იპოვეს. მომხდართან დაკავშირებით ბრიტანული სამხედრო ბაზების სასამართლომ ბავშვების 30 წლის მამას და მის 38 წლის პარტნიორს სამდღიანი წინასწარი პატიმრობა შეუფარდა. წყვილი სასამართლოს წინაშე ხელბორკილებითა და აშკარა შოკურ მდგომარეობაში წარსდგა, მათ წინააღმდეგ გამოძიება კი გაუფრთხილებლობით სიცოცხლის მოსპობის მუხლით მიმდინარეობს. ამბავი, რომელიც ასეთი ფატალური შედეგით დასრულდა, მიმდინარე წლის მაისის შუა რიცხვებში დაიწყო. ბავშვების მამა, რომელიც კვიპროსში მუშაობს, თავად გაემგზავრა ბულგარეთში, რათა შვილები კუნძულზე არდადეგების გასატარებლად ჩაეყვანა. მეზობლებისა და ნაცნობების თქმით, არაფერი მოასწავებდა იმ საშინელებას, რაც კვირა დღეს დატრიალდა. დილით ადრე მამა ლიმასოლში გაემგზავრა სამუშაოდ, მალევე კი სახლიდან მისი მეუღლეც გავიდა. ძმები ბინაში სრულიად მარტო დარჩნენ, რამაც მათ საშუალება მისცა, გარეთ სათამაშოდ გამოსულიყვნენ.

ავარიას ახალგაზრდა ქალის სიცოცხლე ემსხვერპლა – რა დეტალებია ცნობილი?

Tue, 30 Jun 2026 11:18:37 +0400

გორში ავარიას ახალგაზრდა ქალი ემსხვერპლა. ინფორმაციას მისი ახლობლები სოციალურ ქსელში ავრცელებენ და წერენ, რომ შემთხვევა კვარხეთის გადასახვევთან ცოტა ხნის წინ მოხდა. ამ დროისთვის დეტალები უცნობია.

დაუჯერებელი მოვლენა რომელიც 30 ივნისის ღამეს მოხდება, რას ამბობს ეზეთერიკოსი

Mon, 29 Jun 2026 18:04:19 +0400

მინეროლოგი და ეზოტერიკოსი, თამარ იოსელიანი სოციალურ ქსელში საინტერესო ინფორმაციას გვიზიარებს. „30 ივნისის მარწყვის მთვარეა სახელწოდება „მარწყვის მთვარე“ მომდინარეობს ჩრდილოეთ ამერიკის მკვიდრი ხალხებისგან (ინდიელებისგან). ეს სახელი აღნიშნავდა დროს, როდესაც ზაფხულის დასაწყისში ველური მარწყვი მწიფდებოდა. ეს არის ხვავის, მადლიერებისა და ბუნების ტკბილი საჩუქრების სიხარულის მთვარე. მარწყვის მთვარე სინამდვილეში არ არის წითელი ან ვარდისფერი ფერის. სახელი მოდის ველური მარწყვის დამწიფებიდან და არა მთვარის შეფერილობიდან. მარწყვის მთვარე არის მიკრომთვარე (Micromoon). ეს ნიშნავს, რომ ის დედამიწიდან ყველაზე შორს მყოფ წერტილში (აპოგეაში) იმყოფება. ამის გამო, ის ჩვეულებრივ სავსე მთვარეზე ოდნავ პატარა და ნაკლებად კაშკაშა გამოჩნდება. სავსემთვარეობის რიტუალი თუ ფიქრობდით, რომ (სან-ხუანის) ენერგეტიკული პორტალი უკვე დაიხურა, ბევრი ეზოთერული ტრადიციის მიხედვით, ეს ასე არ არის. ითვლება, რომ ცეცხლი განწმენდს, ხოლო სავსე მთვარე ახალ ენერგიას, კურთხევასა და განახლებას ატარებს. სწორედ ამიტომ, ეს სავსემთვარეობა ბევრისთვის მადლიერების, ძველის დასრულებისა და ახალი სურვილების ჩაფიქრების განსაკუთრებულ დროდ მიიჩნევა. საქართველოში მარწყვის სავსემთვარეობის პიკური მომენტი 2026 წლის 30 ივნისს, 03:57 საათზე (თბილისის დროით) დადგება. სწორედ ამ დროს, ან მის გარშემო რამდენიმე საათის განმავლობაში, რიტუალის შესრულება ყველაზე ხელსაყრელად მიიჩნევა. რიტუალი აანთეთ სანთელი (ან თუ შესაძლებელია, იყავით ცეცხლთან), რამდენიმე წამით შეხედეთ მთვარეს, გაშალეთ ორივე ხელისგული, თითქოს მის სინათლეს იღებთ და სამჯერ წარმოთქვით: „განწმენდის წმინდა ცეცხლო, კურთხევის მანათობელო მთვარევ, რაც ძველია, სიყვარულით დასრულდეს, რაც ახალია, სიხარულით შემოვიდეს. დაე, ჩემი გზა გაიხსნას იღბლის, სიუხვის, სიმშვიდისა და კეთილდღეობისკენ. ასე იყოს. ასე იყოს. ასე იყოს.“ შელოცვის წარმოთქმისას წარმოიდგინეთ, როგორ ტოვებს თქვენს ცხოვრებას ყველაფერი, რაც აღარ გჭირდებათ და როგორ ივსებით ახალი შესაძლებლობებით, სიუხვით, იღბლითა და ბედნიერებით. დაე, ეს სავსემთვარეობა გახდეს თქვენი ცხოვრების ახალი, ნათელი და წარმატებული ეტაპის დასაწყისი. ისევე, როგორც მარწყვი მწიფდება, ასევე მწიფდება ჩვენი ოცნებები, მიზნები და გულები”,- წერს იოსელიანი.

საბანკო სესხებთან დაკავშირებით ცვლილებები ძალაში 2 დღეში შედის

Mon, 29 Jun 2026 15:59:31 +0400

მოქალაქეები, რომელთა შემოსავალი ლარში აქვთ, უცხოურ ვალუტაში 1 მლნ ლარზე ნაკლებ სესხს ვეღარ აიღებენ. ამის შესახებ გადაწყვეტილება საქართველოს ეროვნული ბანკის ფინანსური სტაბილურობის კომიტეტმა მიიღო.“საქართველოს ფინანსური სისტემა მდგრადობას ინარჩუნებს და ეკონომიკის დაკრედიტებას განაგრძობს. გასული წლის განმავლობაში გლობალური ფინანსური პირობები შედარებით სტაბილური და ხელსაყრელი იყო. თუმცა, ახლო აღმოსავლეთში კონფლიქტის დაწყებამ გლობალური ფინანსური პირობების ზომიერი გამკაცრება გამოიწვია.მიუხედავად იმისა, რომ ისტორიულ ჭრილში ისინი კვლავ შედარებით შერბილებულად ნარჩუნდება, გაზრდილი გაურკვევლობის ფონზე, მაღალია სასაქონლო ბაზრების შოკების, გლობალური ინფლაციური მოლოდინების გაძლიერებისა და ფინანსური პირობების შემდგომი გამკაცრების რისკები. აღნიშნული გარემოებების ფონზე, ფინანსური სტაბილურობისა და მონეტარული პოლიტიკის ერთობლივმა კომიტეტმა მიზანშეწონილად მიიჩნია, უცხოური ვალუტის ვალდებულებებზე დროებით გაზრდილი სარეზერვო ნორმის ზედა ზღვარი კვლავ წინანდელ დონეზე დაებრუნებინა და 5 პროცენტული პუნქტით შეამცირა. აღნიშნული ნორმა წარმოადგენს ეროვნული ბანკის ინსტრუმენტს და სებ-ი მის რეკალიბრაციას მომავალშიც მაკროეკონომიკური გარემოებებისა და პირობების მიხედვით გააგრძელებს.ამასთან, აღსანიშნავია რომ ფინანსური დოლარიზაციით გამოწვეული რისკების შერბილება ეროვნული ბანკის მნიშვნელოვან ამოცანად რჩება. გაცხადებული პოლიტიკის შესაბამისად, ეროვნული ბანკი ინდუსტრიასთან კოორდინაციით, მაკროეკონომიკური გარემოსა და რისკების შესაბამისად და ასევე სარეზერვო ნორმის კორექტირების პოტენციური ეფექტის გათვალისწინებით, დედოლარიზაციის გრძელვადიანი გეგმის განხორციელებას განაგრძობს.ფინანსური სტაბილურობის კომიტეტის გადაწყვეტილებით არაჰეჯირებული უცხოური ვალუტის სესხების ზღვარი 750 000-დან 1 000 000 ლარამდე გაიზარდა. ცვლილება ძალაში 2026 წლის პირველი ივლისიდან შევა“, – ნათქვამია ეროვნული ბანკის განცხადებაში.

ცნობილია გორში დაღუპული მე-12 კლასის მოსწავლის ვინაობა

Sat, 27 Jun 2026 20:07:09 +0400

გორში მე-12 კლასის მოსწავლე, ვიქტორია არუთინიანი, სავარაუდოდ, დენის დარტყმის შედეგად გარდაიცვალა. ინფორმაციას გორის საჯარო სკოლა და მისი ახლობლები სოციალურ ქსელში ავრცელებენ. ამ დროისთვის დამატებითი დეტალები უცნობია

სენაკში სტიქია მძვინვარებს, მოსახლეობა დახმარებას ითხოვს – კადრები ადგილიდან

Sat, 27 Jun 2026 17:37:05 +0400

სენკში სტიქიას ებრძვიან, ძლიერმა წვიმამ ქალაქში მძიმე პრობლემები შექმნა, როგორც ადგილიდან ადგილობრივები ავცადებენ დაიტბორა საცხვრებელი სახლებიც. სენაკის მერიის საზოგადოებასთან ურთიერთობის სამსახურის ცნობით, სტიქის ზონაში პურვილივე წუთებიდან მუშაობენ შესაბამისი სამხაურები. მათივე ცნობით ქალაქში რთული მდგომარეობაა

გოგა მანია ივლისის ფავორიტ ზოდიაქოს ნიშნებს ასახელებს

Sat, 27 Jun 2026 11:05:09 +0400

ივლისის თვეში, ფინანსურად წარმატებული 4 ზოდიაქოს ნიშანი – ამ თემაზე ეზოთერიკოსი გოგა მანია ვიდეომიმართვაში საუბრობს: 1. მშვილდოსანი – თქვენი კრიზისული მომენტები დასრულდა 2. ვერძი – ივლისის თვეში წარმატებულთა შორის ხართ 3. ლომი – ძალიან დიდი ხანი იქნება თქვენთან ფინანსური ენერგია 4. კირჩხიბი – პირველ ადგილას ხართ ფინანსური კუთხით